நிழலாடுதல்

அங்கம் பிரதிபலிக்கும்
ஆடைகள் பற்றி பேசிக்கொண்டிருந்தோம்
பின்னிருந்து பிம்பம் உடைக்கும் 

விளக்கொளியின் ஊடுருவல்
காமத்திற்குத் தப்புவது என்றும்
காமத்திற்குத் தாவுவது என்றும்
ரசனை என்றும்
நீண்ட விவாதமது

கவனம் குவியாது 

'சேனல்' மாற்றிக்கொண்டிருந்தாய்

மழைக்கு எதிரியாக பாவிக்கும்
ஆடையின் நிறங்களை
பட்டியலிட்டுக் கொண்டிருந்தோம்

நிறங்கள் ஒரு வகையில்
சாபம் எனும்போது
நிழலாடத் தொடங்கியிருந்தாய்