RR டாக்கீஸ்

அந்தச் சிகப்பு நிறத்திற்கு உன்னிடம்
பிரத்யேகமாக ஒரு பெயர் இருந்தது
ரூபாய் நோட்டுகளை 
மடித்து வைக்கக் கூடாதென்றாய்
தொடுவுணர்வு நழுவும் வேளையில்
விழிப்புத் தட்டி பாதி உடலில்
பாதி உடலை கிடத்திக் கொண்டாய்
சமையல் மேடையில் முயங்கிச் சாய்ந்த பின்
கண்ணாடி வழியே தெரியாதென்றாய்
கீறல்களும் தழும்புகளும்
நினைவுகளாய் வேண்டுமென்றாய்
உச்சிப் பொழுதில் என்றைக்குமாய்
இன்றைய இரவு வேண்டும் என்றாய்
உலர்த்தப் படாமலே திரும்பிய ஆடையை
நீயும் வேண்டுமென்றாய்
விட்டுக் கொடுத்துவிட முடியுமா என்ன?