நிர்ணயிக்காத சமிக்ஞை

மணற் கடிகாரத்தில் கவிழும்

துகள்கள் கொண்டு

காலத்திற்கு மதில்கள் கட்டுகிறேன்

குவியல்களாக மேடேறும்
பொழுதுகள் மதில்களாக மறுப்பது
பனிக்கால காற்றில் உரைக்கிறது

சைரன் விளக்குகளில் மிஞ்சிய
நீல சிவப்பு நிறத்தை
குவியல்களெங்கும் பூசுகிறேன்

சாயங்கள் உதிரத் தொடங்குகையில்
விடியலை புறக்கணிக்கும்
திருநங்கையின் புறங்கால்களில்

நொடிகள் நிர்ணயிக்காத
சமிக்ஞை கிடைக்கிறது
பச்சை நிறத்தில்...