உனக்கு முத்தமிடத் தெரிந்திருக்கிறது

உனக்கு முத்தமிடத் தெரிந்திருக்கிறது

விரிப்பு, போர்வையான பின்னிரவில்

கூர் மற்றும்

இருபக்க வெட்டுதிறன் குறித்து

பேசி முடித்தபின்

ஓர் உறையில் ஓர் கத்தி என்பதன்

சூட்சமம் சொல்லிக் கொடுத்தாய்

மேலும்

முனகல்களின் ஊடே

நிகழ்ந்த உச்சாடனத்தில் என் பெயர்

சந்தேகங்கள் கேள்வியாகதவரை

அல்லது

சந்தேகங்கள் கேள்வியாகும் போது

முத்தமிடத் தெரிந்திருக்க வேண்டும்