மணி 1:47-ல் மஞ்சள் ஸ்டார்

உன் அறையெங்கும் 
சன்னல்கள் நிறைந்திருக்கும்
பிம்பம் எழுவதாய் 
செய்தி அனுப்பியிருந்தாய்
மணி 1:47

கண் அயந்திருக்கமாட்டேன் என்பதை
உன் அலைபேசியில்
விழிப்புக் காட்டிக் கொடுத்திருக்கும்

ஐ லவ் யூ-வை
முத்தமாகவும் கடத்த வேண்டியிருக்கிறது

தொடுதலுக்கும், அணைப்பிற்கும்
பரபரக்கும் உள்ளங்கையில்
தற்சமயம் கன்னம் வைக்கிறேன்

தோன்றும்போது தலைவருடு