"பேபிமா"வில் பாலினம் இல்லை

நதி
கரை தொலைக்கும் வேகத்தில்
நகம் களைகிறாய்

உன் புன்னகைக்கு
பெயர் மாறிக்கொண்டிருக்கிறது

சாமர்த்தியம் என்ற முடிவு
உனக்கும் அசூசையாக
இருக்கிறது தானே?

பயண வாகனம்
மாறிக்கொண்டிருக்கின்றன

சிறு இடைவேளை

நீல நிற டிக்
சரிபார்க்கப்படுகிறது

தூங்கியதற்கான மன்னிப்பு
அதன் சாக்கில்
காலை வணக்கம்
மற்றும்
கொஞ்சம் நீட்டித்தல்

புகைப்படம் மாற்றுவோம்

தற்காலிகமாய் பயன்படுத்தியதிலிருந்து
தவறி விழும் ஸ்மைலிகள்

அணைந்த விளக்கின் சூடு
தொடுதலில்

போ போ போ போ போ(டி,டா) லூசு
நீ தான்

ஏன்
ஒன்னுமில்லை
நம்பிட்டேன்

விழுங்கப்படும் வார்த்தைகளுக்கு
கேடி, ஃப்ராடு என்ற பெயருண்டு

சரி

சில
முன்முடிவுகளை, யோசனைகளை
தகர்த்துவிடுகிறாய்

கோச்சிகிட்டியா

புறாக்களும்
தானியங்கள் தான்

ஸ்மைல் ப்ளீஸ்