இயல்பு நிரந்தரமானதல்ல

பென்சில் சீவுவதற்கு என்று
அறையில் சிறிய கத்தி ஒன்று
துருவேறாமல் பாதுகாக்கப்படுகிறது

எழுதாமலே எப்படிக் கறையும்?
அல்லது
எப்படி முனை மழுங்கும்?

முனை ஒடிக்கும் பொழுதெல்லாம்
அதனோசை எழாதிருக்க
கைக்குட்டையின்
கடைசி மடிப்புவரை மடித்து உடைக்கிறேன்

தகவல் சொல்வதற்கும்
அனுமதி கேட்பதற்குமான
சூட்சமத்தை,
இல்லை
சுதந்திரத்தை
கொடுப்பது பிழை
எடுப்பது தவறு

இயல்பு நிரந்தரமானதல்ல