அவள் அப்படி கேட்டிருக்க கூடாது

தன்னை மறந்து பகிர்நத
உதட்டு முத்தத்தில்
சட்டென இதழ் பிரித்து
அவள் அப்படி கேட்டிருக்க கூடாது

பின்னொரு இரவில்
நெருங்கி வருகையில்
ஏன் அப்படி கேட்டாய் என
அவளிடம் கேட்டிருக்க கூடாது

வெயில் நிறைந்த பொழுதில்
அன்று நான் அப்படி பேசிருக்க கூடாதென
ஞாபகத் தணலில் வெந்து வெந்து-இன்று
அவள் மன்னிப்பு கேட்டிருக்க கூடாது

இன்னும் அதை  நினைத்து வருந்துகிறாயா என
அவளின் மன்னிப்பினை
உதாசினப்படுத்தியிருக்க கூடாது

நீங்களும் என்னவென கேட்டு
ஆறுதல் சொல்ல வந்து விடாதீர்கள்
நானும் இதை
உங்களிடம் சொல்லியிருக்க கூடாது!