அனாதையாகிப்போன ஒற்றை கால் கொலுசு

முந்தானை தரை விரித்து
அதில் தலை சாய்த்து ஒருத்தி
இரயில் நிலையத்தில் படுத்திருந்தாள் 

ஜனங்களின் நடமாட்டத்தில் 
எழும் பேச்சு சத்தம் அறிவிப்பு சத்தம்
எதற்கும் செவி மடுக்காமல் கடந்து போகும்
கால்களை கவனித்திருந்தாள்

சிறுமியின் பிஞ்சு கால்கள்
வயது பெண்ணின் அன்ன நடை
குடும்ப பெண்ணின் பாதவைப்பு
நடு நடுவே காவல் அதிகாரியென
எத்தனையோ கால்கள் கடந்திருந்தன

இன்று வரை கையிலிருக்கும்
ஒற்றைகால் கொலுசு தேடி யாருமே
அந்த பாதையில் வரவில்லை

இவள் காலிலும் கொலுசு
அது வேறொரு வடிவ 
ஒற்றை கால் கொலுசு!