ஒரு இரவின் பின்னணி

புணர்ந்து கலையும் வரை
நாய்களையே வெறித்திருக்கும்
இராப்பிச்சைக்காரன்

மொட்டை மாடியில்
சுய இன்பம் தேடும்
ஒரு வாலிபன்

இரண்டாம் முறையாக
எதிர்வீட்டில் எரிந்து அணையும்
சாளரத்தின் வெளிச்சம் பார்த்தபடி
ஒரு முதிர் கன்னி

ஊர் பாலத்தின் அடியில்
முட்புதர் அருகே காத்திருக்கும்
ஒரு விலை மாது

நிரம்ப போதையில்
நிர்வாணமாய் வீதியுறங்குபவனை
கடந்துபோகும் ஒரு விதவை

முலைக்கழும் குழந்தைக்கு
பாலூட்டும் பெண்ணின் மார்பு நோக்கும்
பதின் வயதுக்காரன்

இவர்களுடனே
நிலவாய் நட்சத்திரமாய்
ஆப்பிளை கடித்த
ஆதாமும் ஏவாளும்...