உன் வசமாகிய நான்

உன் நினைவுகளை சுமப்பது என்பது
அத்தனை அசெளகரியமாக
இருக்கிறது எனக்கு

இதயத்தின் கொள்ளளவு என்னவென்பதை
என்னை விட உன் நினைவுகளே
நன்கு அறிந்து வைத்திருக்கிறது

அவ்வளவு ஆக்கிரமிப்பு
அத்தனையும் அபகரிப்பு

முன்னெப்பொழுதோ தவற விட்ட
ஒரு புன்னகை
சொல்லி வைத்த ஹாய்
கொடுத்து வாங்கிய எண்கள்
பரிமாறிய உணர்வுகள்

இப்படி எத்தனை எத்தனையோ
ஒவ்வொரு இரவிலும்
ஒவ்வொரு நினைவு ஒவ்வொரு கனவு

ஒரு கொலையோ தற்கொலையோ
சாத்தியமெனில்
கொலைசெய்
அல்லது
தற்கொலைக்கு தூண்டு!