சஹானாவும் அம்மாவும்

அந்தரத்தில் சுழலும் விசிறியின்
வேகத்தினை வியந்தபடி சஹானா
தலை தாளாமல் பார்த்துக்கொண்டிருந்தாள்

மனித ராசிகள் ரசித்திடாத

சாம்பல் நிறப் பட்டாம்பூச்சியின்
இறக்கையடிப்பிற்குப் போட்டியாய்

டியூப் லைட்டிற்கும் அதன் பட்டைக்குமான
இடைவெளியில் பூச்சிகளை உண்டபடி
வாலசைத்துக்கொண்டிருந்தது பல்லி ஒன்று

கெளளி சத்தத்தில் தலை திருப்பி
கிளுகிளுப்பை சத்தம் தாண்டி
ஓசை ரசித்து சிரித்துக்கொண்டிருந்தாள்

பஞ்சாங்கத்து வரியின் வழிப்படி பல்லியை
துடப்பத்திற்கு இரையாக்கினாள் அம்மா
மெல்ல அழத்துவங்கினாள் சஹானா!