யூகம்

மேசைக்கும்
இதழுக்குமான இடைவெளியில்
நின்றாடுகிறது ஒரு தேநீர் கோப்பை

இடக்கை பழக்கமாயிருக்கலாம்
இடது பக்கம் சரிந்த கூந்தலை
வலது கையால் கோதிக்கொண்டாள்

கோப்பையேந்தும் கிண்ணத்தில்
வட்டமிட்டமிட்டபடி
தேநீர் பருகாமலிருந்தாள்

கைப்பையினில் நுழைந்து வெளியேறும்
கையின் வேகமும் தடுமாறும் விரல்களும்
நடனமாடும் மெழுகின் ஒளியும்

அவளெதிரே
யாருமில்லா கடைசி மேசையில்
உலவ விட்டிருந்தது ஒரு அச்சுறுத்தலை...

அழுதுகொண்டிருந்திருக்கலாம்
சுவற்றில் தெரிந்த நிழலில்
கண்ணீர் கோடுகள் விழவில்லை!