தன்னை வருத்துதல்

எழுதித்தீர்ந்த பேனாவின் முனைகொண்டு
குருதி வழிய துளையிட்டிருக்கிறாள்
உள்ளங்கையின் பள்ளத்தில்

சூடேற்றிய ஸ்பூனின்
கைப்பிடி பாகம் கொண்டு
சூடிட்டிருக்கிறாள் தொடையில்

ஈரம் நிறைந்த பூந்தொட்டியினை
கால்பெருவிரல் சிதைத்து
ரோஜாமுட்களால் கிழித்திருக்கிறாள் நாவில்

கரடி பொம்மை பியித்தெறிந்து
கட்டில் கம்பி கடித்திருக்கிறாள்
கண்ணாடியுடைத்து முத்தமிட்டிருக்கிறாள்

எத்தனைமுறை முத்தமிட்டிருப்பாள்?
தெரியாது...
குழந்தையில் எச்சில் ஒழுகலைப்போல

பசையோடு வடிந்து கொண்டிருந்தது
கழுத்தினை இறுக்குவதற்கு
அவள் பயன்படுத்திட்ட கயிறு...