மரமென்பது மரமட்டுமல்ல

பழுப்பிலைகள் மட்டுமே
உதிரும் அந்த மரத்திலிருந்து
கிளையொன்று முறிந்திருக்கிறது

மூத்திரவாடைகள் நிறைந்த
மரத்துமூட்டில் கூடும் கால்கள்
உமிழ்வதும் புகைப்பதும்

எவனோ ஒருவனை பழிதீர்க்க
பேசுவதும் எவளோ ஒருத்தி
காதலிக்கப்படுவதும்

இன்னபிற உரையாடல்களும்
வசவு வார்த்தைகளும்
புதிதில்லை அம்மரத்திற்கு

இருந்தும் கிளைமுறிந்த அன்று
தன் கூட்டை சுற்றி சுற்றி வந்த
பறவையன்றி வேறெவருமில்லை!