கிராமிய விளையாட்டு

ஏல இன்னைக்கு
புட்டான் புடிக்க வா

என்று சொல்லியபடி
தெரு கடக்கிறான் தோழன்

யாருலாம்ல வருவா?
என்றவனை நிறுத்த

நம்ம பயலுவ எல்லாரும்
ஒந்தம்பியும் கூட்டிட்டு வா
என்று கடந்து போகிறான்

விறுவிறுவென சாப்பிட்டு
ஆடை மாற்றி

காய்ந்த முட்கள் நிறைந்த
வேலிக்கு செல்லவும்

ஏலே மாக்க நீ மேலகரையில
இருக்க புட்டான புடி என்கிறான்

நடக்க சத்தம் கேக்கமா புடில
என என்னொருவன் சொல்கிறான்

கையில் சிக்கிய புட்டானின்
இறக்கைகள் கசங்க

புதிதாய் பட்டாம் பூச்சி
நெஞ்சுக்குள் பறக்க துவங்குகியது

எனக்கு அந்த சோப்பு கலர்
ராணி புட்டான் புடிச்சி தால

முதன்முறையாய் என்னிடம்
பேசினாள் காதல் தேவதை!