பின்பொரு நாள் வேறொரு உருவம் காணலாம்!

நிலவின் துணையோடு

காணும் பிம்பமொன்று

மனித உருவத்தில்

இருப்பதாய் திரும்ப திரும்ப

பார்க்கிறான்

வெள்ளை நிற ஆடை

உடுத்தியிருப்பதாகவும்

முன்னோக்கி வருவதாகவும்

மீண்டும் மீண்டும்

நடுக்கத்தோடு பார்க்கிறான்

வழி நெடுங்கிலும்

சிறுவயதில் அவன் கேட்ட

பேய்களின் பெயர்களை

உருவத்தோடு ஒப்பிட்டு நடக்கிறான்

எவைகளோடும் பொருந்தாத

அப்பேய்களெல்லாம்

மறுநாள் மதியம் உணவு சேர்வையில்

முருங்கை இலை கூட்டாயிருக்க,

 நாளை இரவே-அவன்

வேறொரு உருவம் காணலாம்!