தள்ளிப்போகிறது ஒரு தற்கொலை கனவு!

தன் நலன்மீது யாருக்கேனும்
அக்கரை இருக்குமென மனது
ஓயாமல் பிதற்றிக்கொண்டிருக்கிறது

தான் நேசிப்பவர்களும்
தன்னை நேசிப்பவர்களும் மறப்பதற்கு
முயன்றிட முயன்றிட விம்முகிறது

அழுதிட துடித்திடும் தருணத்தில்
முதியவரின் கையூசி தையல் போல
நடுக்கத்தோடு நகருகிறது பொழுது

தீர்க்கமாய் இதுவே முடிவென
துணிகையில் யாரோ ஒருவரின்
நலம் விசாரிப்பில் திடிர் அழைப்பில்

போலியாய் உதிர்க்கும் புன்னகையாலும்
பொய்களில் நீளும் நிமிடங்களிலும்
தள்ளிப்போகிறது ஒரு தற்கொலை கனவு!