சஹானா அக்கா ஆகிறாள்

அணில்களும் மைனாக்களும்
வளர்க்காமலே நிறைந்திருக்கும் வீடு
சஹானா வீடு

சஹானாவின் வகுப்பு முடிந்து
வகுப்பெடுக்கத் துவங்கிவிடுவாள்
சுவற்றை கரும்பலகை ஆக்குவாள்

மொழிகளறியாது சைகையிலும்
தலையசைப்பிலும் அன்பிலும்
கதை பேசி மகிழும் மாலைப்பொழுது

விளையாடுவதற்காய் குரும்பல்களை
அணில்களும் நிழலுக்காய் விதைகளை
மைனாக்கள் விதைக்கொண்டிருக்க

தொட்டிலுக்குள் விழிகள் நீந்தவிடுவும்
மடியினில் செல்லம் கொஞ்சிடவும்
மணல்வீடு கட்டி விளையாடவும்

தாயிடம்
காது வைத்து கேட்டுக் கொண்டிருக்கிறாள்
ஆம் சஹானா அக்கா ஆகிறாள்!