மொழிபெயர்க்க முடியா முத்தம்

ரேகைக்கோடுகளில்
நகங்களால் கோடுகிழிக்கும்
அந்திக்கால பொழுதில்

கை மடியமர்த்தி
கதைகளினூடே
நிகழும் அவ்விளையாட்டு

இடம் வலம் மேல் கீழென
படரும் ஆமைவேக நகர்தலில்
முயலென வேகமெடுக்கும் காமம்

இதழெட்டும் தூரத்திலிருக்கும்
கன்னமும் இதழும்
களம் அமைக்கும் ஓர் யுத்தத்திற்கு

போர்க்கால வேகத்தில்
கன்னமிட்டு பிரிந்த இதழுக்கு
காயம் நேர்ந்ததாய்

முடிந்த பேச்சினைத்தொடங்க
வீடு சென்றதும் சொல்வாள்
தாடி குத்தியதென்று...

மொழிபெயர்க்க முடியா
முத்தத்தோடு
பட்டியலிலேரும் நாணமும்!