அறியாமையில் கிட்டும் சுயநலம்

ஒருவனின் அறியாமையில்
கிட்டும் வாய்ப்பானது
சுயநலமாக்கி அழகு பார்க்கிறது

காத்திருப்பில் கூடும் பசியில்
ஒருங்கேறும் சிந்தனை வாள்
தலைக்கு காத்துக்கொண்டிருக்கிறது

கண்ணியில் தானாய் தலைகொடுக்கும்
ஓணானின் மரணமோ வாழ்வோ
அனிச்சையாய் நிகழும் நிகழ்வைப்போல

துரோகத்திற்கு காத்திருப்பவன்
கண்ணியாவதும், ஓணான் ஆவதும்
மூன்றாமவனிடம் உள்ளது!