காதல் விளையாட்டு

முன்னமே தீர்மானித்த இடத்திற்கு
கடந்த முறை அவள் திமிறி உடைந்த,
வளையல் துண்டுகளோடு பேசிக்கொண்டிருக்க

இரு இதழின் இணைவின் நடுவிலிருந்து

தவறி விழுந்தது நாணமும்
பிடிவாதமாய் வரவழைத்த கோபமும்

தொடுதலுக்கு அனுமதியா பார்வைவிழ
விரலோ நகநுனியில் உராயத்துவங்கியது
பேசமுடியா மொழிகளை விதைக்கத்துவங்கியது

முத்தத்திற்கு அடிபோடும் எண்ண அசைவுகளை
உதட்டில் விழிகளால் மேயவிட
சூடேறும் மூச்சினால் ஆண்மை சமைக்கிறாள்

சூரியன் சிவக்க சிவக்க பேசித் தீர்க்கையில்
கடலெனும் விழிகள் இலக்கணம் மீறி
அலையடித்தது வலப்பக்கமும் இடப்பக்கமுமாய்

வாடைக்காற்று கூந்தல் கலைக்க
முன்னும் பின்னுமாய் முன்னேறிக்கொண்டிருந்தது
கைகளும் உதடுகளும் அவள் மேனியில்!