பிராயச்சித்தம் வேண்டி

பிடிமானங்களற்று உழலும்
என் மீதான நம்பிக்கையை
நீ கொடுப்பாயென காத்திருக்கிறேன்

நிழலுக்கு ஏங்கும் என் துயர்கள்

வடிகாலமைத்து மொத்தமாய்
இரவுகளில் பாய்ந்து கொண்டிருக்கிறது

எவ்வளவு குடித்தும் நிரம்பாத
உன் நினைவுகளின் குருதியை
கனவுக் குழாய்கள் மேலும் உறிஞ்சுகிறது

என் யூகங்களில் ஆளும்
உன் கணிக்கமுடியாதொரு போக்கினை
மேலும் மேலும் யோசித்து வெதும்புகிறேன்

உன் அனுமதியின்றி உன்னை இம்சிக்கும்
என்னை மணிக்கட்டிலறுத்துவிடு
பிராயச்சித்தம் தேடிக்கொள்கிறேன்!