நிராகரிப்பின் விளிம்பில்

உமிழும் வார்த்தையெல்லாம்
திட்டுவதும் சாபமிடுவதும் தான்
எதிர் கேள்வியோ எதிராளியோ யாருமில்லை

அவருக்கென ஒதுக்கப்பட்ட நிமிடங்களோ

காலை கொஞ்சம் மாலை கொஞ்சம் நேரம்
எவர் வார்த்தைக்கும் செவிமடுக்காத சுதந்திர நேரமது

ஒரு பரிதாமமோ முகசுழிப்போ
வசைபாடுதலோ இல்லாத பொழுதில்லை
இல்லத்திலோ இல்லாள் இருக்க வாய்ப்பில்லை

வெளுத்துப்போன முகத்தாடியும்
தேகப்புழுக்கம் நிறைந்த ஆடைகளும்
தனியொரு அடையாளம்

பாதையும் புலம்பலும் பழக்கப்பட்டுவிட
எல்லா காலமும் போல இன்றும்
தேநீர் இருக்கைகள் சொல்லிக்கொண்டிருந்தன

ஒரு காலத்தில் நன்று வாழ்ந்தவன்!