துக்க விசாரிப்பு

இறந்தது குறித்ததான
உங்கள் துக்க விசாரிப்புகள்
வேடிக்கையாக இருக்கிறது

உங்கள் உச்சுக்கொட்டல்களோ
ஆச்சர்ய கைவைப்புகளோ
முகம் சுழிக்க வைக்கிறது

காரியமாய் இருப்பது பற்றிய
உங்கள் வகுப்பெடுப்பு
முகத்தில் உமிழ்வது போலிருக்கிறது

விடைபெறுகையில திணிக்கும்
ஐந்து ரூபாயும் பத்து ரூபாயும்
நேரம் தின்றதற்கான கூலியென தோன்றுகிறது

எரியும் மெழுகின் புகையினூடே
புகைப்படத்தின் புன்னகை அழத்தூண்டுவதாய்
வாய்பொத்தி விடைபெறுகிறீர்கள்

இறந்தது குறித்ததான
உங்கள் துக்க விசாரிப்புகள்
வாடிக்கையாக இருக்கிறது...