முடிவுக்கு வருதல்

என் மீதான உன் பிரியங்கள்
பைத்தியக்காரத்தனமென புரிந்துகொண்டதாய்
கடைசி செய்தி அனுப்பியிருக்கிறாய்

ஒரு சண்டைக்கும் அதன் பின்
பேசிக்கொள்வதுக்குமான இடைவெளியில்
நொந்துகொள்வதை முணுமுணுக்கிறாய்

மறுபடி சொல்லென வேண்டுகையில்
அனுதாபம் வேண்டாமென
வார்த்தையால் முகத்தில் அறைகிறாய்

ஒவ்வொருமுறை பிரிவதாய்
நீ சொல்வதும் மீண்டும் பேசிக்கொள்வதும்
ஆறுதலாய் இருந்தது எனக்கு...

பிரியமாட்டாயென ஒவ்வொருமுறையும்
காத்திருப்பின் காலவெளியின் இருபக்கமும்
நினைவுகளை பயிர் செய்து வைத்திருக்கிறேன்.

நாம் சேருவதன் நிமித்தமாய் புன்னகையூற்று
அல்லது ஒருபிடி எச்சில் ஊற்று
நிராகரிப்பின் முட்கள் துளிர்க்கட்டும்!