முடிவு வேண்டும் காலம்

புருவங்களில் அழுந்தும்
மூன்று பருவ கனவுகளிலிருந்து
விடுபடுவதற்கான வழி தெரியவில்லை

நிர்பந்தங்கள் ஏதுமின்றி
நிர்பந்திக்கும் காலவெளியெங்கும்
மலட்டு விதையாய் கடந்த வருடங்கள்

ஆறுதலுக்காக உறங்க எத்தனிக்கையில்
இரவுப்பொழுதுகளில் முந்திக்கொள்ளும்
எண்ணங்களும் வார்த்தை வடுக்களும்

ஒரு இயலாமையின் முகபாவனையும்
அறியாமையில் எழும் இயலாமையும்
முன்னிருக்கும கண்ணாடியை ஒத்திருக்க

சகதியில் கால் குழைத்து விளையாடும்
குழந்தையொன்று மண்மூடி இறப்பதுபோல
அகாலமாய் முடியட்டும் என் காலம்!