காதலிக்காமல் என்ன செய்வது?

போதுமானதாய்
இருக்குமளவிற்கு இடைவெளி
செய்திருந்தாய் பேருந்து இருக்கையில்

தலை சாய்க்க லாவகமில்லா
சன்னல் கம்பிகளின் அடியில்
மழை நீர் ஊர்ந்து கொண்டிருக்க

நீல விளக்குகள் ஏற்றி
நடத்துநர் இடம் அமர்ந்ததும்
தோள் சாய்ந்து கைபற்றுகிறாய்

கேள்விகள் ததும்ப முகம் பார்த்து
விழி கோர்க்கிறாய் நகம் கொண்டு
உள்ளங்கை கோடுகிழிக்கிறாய்

அனிச்சையாய் முத்தமிட
எச்சில் விழுங்கிய பொட்டகற்றி
மீண்டுமொன்று கேட்கும் உனை

காதலிக்காமல் என்ன செய்வது?