நிபந்தனைக்குட்பட்டது

உடல் தின்ன குடியேறியவர்களின்
வருகைகள் குறைந்த
ம்ழைக்கால பொழுதொன்றில்

தாய்ப்பால் கொடுத்தவளும்
யோனி சுரப்பு வாய்க்காதவளும்
வீடு கடந்து வருகிறாள் குடையின்றி

அவர்களோ மிக வேகமாய்
சபித்தபடி தாழிடுகின்றனர்
நாற்பக்க சுவரில்லாதது அறிந்து...

தாழிடத் தவறிய மனப்பிரதேசத்தில்
குடியேறியவன் ஞாபகம் கடத்த
மருத்துவமனை நடக்கிறாள் வாடகைத்தாயாக!