சொன்னதை சொல்லும் கிளி

நாவால்
உயிரறத்து விளையாடும்
சொன்னதை சொல்லும் கிளி ஒன்று

ஒரு பொழுதும் நம்பாதிருந்தது

அவனுடனான உறவையும்
சூழலையும் சுற்றத்தையும்

ஏதோ ஒரு பொழுதில்
நிகழ்ந்திடும் சண்டையினை
அடுத்த பொழுதில் தீர்த்திருந்தது

பிணக்குகளின் ஊடே உழலும்
உரையாடல்கள்
மென்று கொண்டிருந்தது நம்பிக்கையை

மழை காய்ந்த ஒரு வெயில் பொழுதில்
விடை பெறுதல் பற்றியும்
வழியனுப்பதல் பற்றியுமான விவாதத்தில்

நாவால்
உயிரறத்து விளையாடும்
சொன்னதை சொல்லும் கிளி சொல்லிக்கொண்டிருந்தது

நீ முன்பு போல் இல்லை!