ஒரு கொலையும் தற்கொலையும்

எதிர்பாராதொரு தருணத்தில்
அகாலமாய்
பொழியத்துவங்குகிறது வானம்

தாய்மடியிலிருந்து நனையும் குழந்தை

சன்னல்வழி யாசிக்கும் மங்கை
மழைக்கு ஒதுங்கும் முதுமை

தொப்பலாய் தென்னையோலை கூரை
துணிக்கொடியிலொரு உள்ளாடை
பாதரசமில்லா வெளிச்சுவர் கண்ணாடி

எரிய மறுக்கும் அடுப்பின் ஈரப்புகை
உடம்பு சிலிர்த்திடும் தெருநாய்
கருவேப்பிலை மரத்திலொரு குயில்

கல்லடிபட்டு பால்வடியும் பப்பாளி
கால்பட்டு உருளும் தெருக்குழாய் குடம்
முனுமுனுக்கும் இல்லத்தரசிகள்

தலைகீழ் ஆடும் கோழி
தெருவெங்கும் உதிரிப்பூக்கள்
தற்கொலை ஊர்வலம்!