நின் வருகையின்பால் பார்ட்-4

எண்ணெய் தலையென
மடிசாய மறுத்து அவள்
என்னைத் தேயென அவன்

பூட்டிய குளியலரையில்
ஷாம்பு வேண்டி அவள்
சேர்ந்து நனைய அவன்

நடு முதுகின்
ஈரம் துடைக்க
திரும்பி நிற்பாள் அவள்
முத்தம் பதிக்க அவன்

ஈரத்தலையென
பூத்துவாலை வேண்டி அவள்
உதடு நனைக்க அவன்

சீப்பினில் சேர்ந்திருக்கும்
உதிர்ந்த முடிகளை அகற்ற
வாரப்படாத கூந்தலோடு அவள்
விரல் நுழைக்க அவன்

உடுத்தியிருக்கும்
ஆடையில்
பிசிர் தட்டும் நூலை
கத்தரிக்க வேண்டி அவள்
கடித்து எடுக்க அவன்

நேரம் கடக்கிறது என
வெளியில் தள்ளி
தாழிடுவாள் அவள்
அனுமதி வேண்டி
வெளியே தாழிடுவான் அவன்

அவசர அவசரமாய்
உணவெடுப்பாள் அவள்
அவளை
உணவாக்கத்துடிப்பான் அவன்

வில்லங்கம் ப்டித்தவனென
செல்லமாய் திட்டுவாள் அவள்
விடுப்பு எடுக்கச்சொல்வான் அவன்

ஒரேயொறு முத்தமென
வாசலின் வெளிப்பக்கம் அவள்
ஒரேயொரு மொத்தமென
உள்பக்கம் நிற்பான் அவன்