சூரியன் கையளித்த நிலவு

சம்பிரதாய புன்னகை எப்படியிருக்குமென
ஒத்திகை முடிந்தபின்
மறந்துவிட்ட ஸ்டிக்கர் பொட்டு வைத்தாயிற்று

வரப்போரம் மடிந்துகிடக்கும் கதிர்களில்
மிதிபடாமல் இருக்க தூக்கிச்செல்கையில்
மூக்குப்பொடி வாசனை எட்டிவிட்டது

நாட்கணக்கை தெரிந்து வைத்திருந்த
மூளையை உறிஞ்சி எடுக்க
இடமளிப்பதாய் இல்லை மூச்சு

எதிர் வீட்டில் அணைந்த
சன்னல் வெளிச்சம் உதட்டை
நனைக்க வைத்தது, நனைந்தது

போக்கிடமற்றவர்களை அனுமதிக்கும்
ஊர் கல்லும் திண்ணையும்0
குளிர்சியாய் இருந்தது