விடுபடுதல்

ஓங்கிச் சாத்துதலில்
சந்திக்க நேரிடும்
கதவின் அதிர்வை
முதுகு காட்டி கேட்கிறேன்

திரும்பிச்செல்ல
தயாரானதன் அடையாளம் அது

யாதொரு அச்சமற்ற சூழலை
முகத்தில் உண்டாக்கியது போக
அதிரும் விரல் நக இடுக்குகளை

தென்படும் கண்களெல்லாம்
கொண்டாட்டத்துடன்
துளைப்பதாய் இருக்கிறது

கொலைக்கான தூண்டுதலும்
தற்கொலைக்கான தவமும்
கலையும் தருவாயில்

உன் மார்பு போல் 

அடைக்கலமாய் எதுவுமில்லை
வீறிடத்துடிக்கும் உதடுகளுக்கு