சொற்கள்

விலா எலும்புகளின்
இடுக்குகளில் குடியேறியிருக்கிறது
பிடுங்கி எறிய விரும்பும் சொற்கள்

வறுமை தேசத்து குழந்தையிடம் 
புடைத்துப் பிளுருவதை எனக்குள்
ஆடை அகற்றி தேடுகிறேன்

அகப்படுதலுக்கும் நழுவுதலுக்குமான
இடைவெளியென்பது காதெட்டாமல்
மேல் பொத்தானற்ற குழந்தை

தாயின் கைப்பற்ற மனமின்றி
வீடு திரும்புதலை போல
யுகம் யுகமாய் நடந்துகொண்டிருக்கிறேன்

நினைவுகள் என்பது
நிமிடங்களின் அளவீடல்ல
உணர்வுகளின் சுழி