இரண்டு புள்ளிகளுக்குப் பிறகான ஆச்சரியக்குறி

மீனின் செதிலருக்கும் கைப்பக்குவமாய்
சொற்களை தூவுகிறாய்
புறாக்களுக்கான நெல்மணிகளாய் 

மந்தை மாடுகள் கிளப்பும்
அந்திப்புழுதி கடக்க
காத்திருக்கும் வேலியோரத்தில்
தட்டானின் புணர்ச்சி

எதிர் இருக்கைகள் வெறுக்கும்
உன் ஆதிக்காலத்தின் இருப்பை
புன்னகைக்கிறேன் காகிதக்கோப்பையில்

நியாயங்கள் விரும்பாத செவிகளுக்கு
ஆகச்சிறந்த பரிசாய்
நினைவுகளை துல்லியமாய் கேட்கும் திறன்